﴿ قُلْ أَنَدْعُوا۟ مِن دُونِ ٱللَّهِ مَا لَا يَنفَعُنَا وَلَا يَضُرُّنَا وَنُرَدُّ عَلَىٰٓ أَعْقَابِنَا بَعْدَ إِذْ هَدَىٰنَا ٱللَّهُ كَٱلَّذِى ٱسْتَهْوَتْهُ ٱلشَّيَٰطِينُ فِى ٱلْأَرْضِ حَيْرَانَ لَهُۥٓ أَصْحَٰبٌۭ يَدْعُونَهُۥٓ إِلَى ٱلْهُدَى ٱئْتِنَا ۗ قُلْ إِنَّ هُدَى ٱللَّهِ هُوَ ٱلْهُدَىٰ ۖ وَأُمِرْنَا لِنُسْلِمَ لِرَبِّ ٱلْعَٰلَمِينَ ﴾

“SAY: "Shall we invoke, instead of God, something that can neither benefit us nor harm us, and [thus] turn around on our heels after God has guided us aright? -like one whom the satans have enticed into blundering after earthly lusts, the while his companions, trying to guide him, call out unto him [from afar], `Come thou to us!"' Say: "Verily, God's guidance is the only guidance: and so we have been bidden to surrender ourselves unto the Sustainer of all the worlds,”

[ قُلْ أَنَدْعُو مِنْ دُونِ اللَّهِ مَا لَا يَنْفَعُنَا وَلَا يَضُرُّنَا ] ئه‌ی محمد- صلى الله عليه وسلم - پێیان بڵێ: ئایا ئێمه‌ دوعا بكه‌ین و بپاڕێینه‌وه‌ له‌ جگه‌ له‌ خوای گه‌وره‌ له‌و بت و شتانه‌ی كه‌ ئێوه‌ ئه‌یانپه‌رستن كه‌ نه‌ سوودیان به‌ده‌سته‌ نه‌ زیان، وه‌ سوودو زیانی ئێمه‌ به‌ده‌ست ئه‌وان نیه‌ [ وَنُرَدُّ عَلَى أَعْقَابِنَا بَعْدَ إِذْ هَدَانَا اللَّهُ ] وه‌ هه‌ڵگه‌ڕێینه‌وه‌و پاشه‌وپاش بگه‌ڕێینه‌وه‌ بۆ گومڕایی و كوفر له‌ دوای ئه‌وه‌ی كه‌ خوای گه‌وره‌ هیدایه‌تی داوین [ كَالَّذِي اسْتَهْوَتْهُ الشَّيَاطِينُ فِي الْأَرْضِ حَيْرَانَ لَهُ أَصْحَابٌ يَدْعُونَهُ إِلَى الْهُدَى ائْتِنَا ] وه‌كو ئه‌و كه‌سانه‌ی كه‌ شه‌یتان وێڵی كردوون و سه‌ری لێ شێواندوون له‌سه‌ر زه‌ویدا كه‌ نازانن به‌ چ ئاڕاسته‌و به‌ چ لایه‌كدا بڕۆن وه‌ هاوڕێشیان هه‌یه‌ له‌ ڕێگاكه‌دا كه‌ بانگیان لێ ئه‌كه‌ن بۆ ڕێگای ڕاست به‌ڵام ئه‌م له‌به‌ر ئه‌وه‌ی كه‌ سه‌رلێشێواو بووه‌ نازانێ كام ڕێگایه‌ بگرێته‌به‌ر، ئه‌مه‌ نمونه‌ى كه‌سێكه‌ كه‌ شوێن شه‌یتان كه‌وتووه‌و له‌ حه‌ق لایداوه‌و وه‌ڵامى خواى گه‌وره‌و بانگخوازانى حه‌ق ناداته‌وه‌ [ قُلْ إِنَّ هُدَى اللَّهِ هُوَ الْهُدَى ] ئه‌ی محمد- صلى الله عليه وسلم - پێیان بڵێ: به‌ته‌نها ڕێگای ڕاست و هیدایه‌ت هیدایه‌تی خوای گه‌وره‌یه‌ ئه‌وه‌یه‌ كه‌ خوای گه‌وره‌ ڕازی بووه‌ بۆ به‌نده‌كانی جگه‌ له‌وه‌ هه‌مووی ڕێگای به‌تاڵ و پووچه‌ڵه‌ [ وَأُمِرْنَا لِنُسْلِمَ لِرَبِّ الْعَالَمِينَ (٧١) ] وه‌ فه‌رمانمان پێكراوه‌ كه‌ خۆمان ته‌سلیمی په‌روه‌ردگاری هه‌موو جیهان بكه‌ین.