﴿ بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى ﴾

“EXTOL the limitless glory of thy Sustainer's name: [the glory of] the Al-Highest,”

سووره‌تی (ئه‌علا) (واته‌: بڵندترین) سووره‌تێكى مه‌ككى یه‌و (١٩) ئایه‌ته‌ پێغه‌مبه‌ری خوا - صلی الله علیه وسلم - له‌ جه‌ژنی ڕه‌مه‌زان و قورباندا له‌ ڕكاتی یه‌كه‌مدا سووڕه‌تی (ئه‌علا)ی ئه‌خوێندو له‌ دووه‌مدا (غاشیه‌)ی ئه‌خوێند، وه‌ له‌ ڕۆژی جومعه‌شدا به‌هه‌مان شێوه‌، وه‌ له‌ سێ ڕكاتی كۆتایی ویتریشدا ڕكاتی یه‌كه‌می سووڕه‌تی (ئه‌علا)ی ئه‌خوێند، وه‌ له‌ دووه‌مدا (كافرون) وه‌ له‌ سێیه‌میشدا ("قُلْ هُوَ اللَّهُ أَحَدٌ" وَ"قُلْ أَعُوذُ بِرَبِّ الْفَلَقِ" وَ"قُلْ أَعُوذُ بِرَبِّ النَّاسِ") ئه‌خوێند . بِسْمِ اللَّهِ الرَّحْمَنِ الرَّحِيمِ [ سَبِّحِ اسْمَ رَبِّكَ الْأَعْلَى (١) ] ناوی په‌روه‌ردگاری هه‌ره‌ به‌رزت به‌ پاك ڕابگره‌ له‌ هه‌موو شتێك كه‌ شایه‌ن و گونجاو و لایه‌ق نه‌بێ به‌ خوای گه‌وره‌، پێغه‌مبه‌ری خوا - صلی الله علیه وسلم - كه‌ ئه‌م سووره‌ته‌ی بخوێندایه‌ته‌وه‌ (سَبِّحِ اسْمَ رَبِّكَ الْأَعْلَى) ئه‌یفه‌رموو: (سُبْحَانَ رَبِّيَ الْأَعْلَى) وه‌ له‌ (ئیمامی عه‌لی و ابن عه‌باس)یشه‌وه‌ هاتووه‌ (خوایان لێ ڕازی بێ) كه‌ خوێندوویانه‌ فه‌رموویانه‌: (سُبْحَانَ رَبِّيَ الْأَعْلَى).